“Arsenal” braziliyalı müdafiəçi Qabrieli transfer etmək üçün “Lill”lə danışıqlar aparır.
Bu barədə İtaliyanın məşhur idman jurnalisti Nikola Skira məlumat yayıb. Mənbənin yazdığına görə, londonlular Qabrielə görə “Lill”ə 25+3 milyon avro təklif edir. Məsələ ondadır ki, “Lill”in də bu məsələdə “Napoli” qarşısında öhdəliyi var. Belə ki, anlaşmaya görə Kulibali Neapol klubundan ayrılacağı halda, Qabriel bu komandaya üz tutmalıdır. Amma o da var ki, “Napoli” Qabrielə görə “Lill”ə 22+3 milyon avro təklif edir. Xatırladaq ki, Qabrielin xidmətində “Mançester Yunayted” və “Everton” da maraqlıdır.
22 yaşlı braziliyalının 2017-ci ildə 3 milyon avro müqabilində “Avai” klubundan “Lill”ə keçdiyini xatırladaq.